عرفت انك زهر عمري....عرفت انك بساتيني

1

تعرف أني أغليك حيل وأهواك ..
اليوم وبكره وما بقي من زماني ..
تقول الأمل يسطع في سماك ..
وأقول الصبر يمكن يحقق أماني ..
حتى وإن حصلت ما بلقى سواك ..
كأن ربي عن هوى غيرك نهاني ..


2

في غيابك حزن هالعام سكني ..
وانكسر قلبي وضاعت أمنياته ..
غيبتك زادت بجرحن ممتحني ..
وأثر بقلبي وزود في شتاته ..
تدري وش حالي بعد ما رحت مني ..؟
كني اللي منتظر لحظة وفاته ..!
ليت يوم نويت البعد عني ..
ماخذن حبك وباقي ذكرياته ...


3

من نسى في زحمة الدنيا رفيقه ..
قلت له عندي رفيق ما نساني..
لو يطول الوقت ويطول طريقه
ادري انه لو يطول البعد جاني
بيني وبينه على العشره وثيقه
إن بديته بالوفا وإلا بداني
صرت عنده بالغلا حسبت شقيقه..
وهو بعد غالي ومن حسبت أخواني ..


4

يا أجمل الناس في قلبي وفي عيني ..
يا أحلى طيف يمر العين ويشقيها ..
لو قلت أحبك قليله ما تكفيني ..
حبي لك أكبر من الدنيا وما فيهــا ..
أنا عطيتك حياتي قبل تعطيني ..
وغيرك عطاني حياته وقلت مابيهـــا ..!


5

أشتكي من بعدهم قلبي متعلق بهم ..
حتى لو دار الزمان في فؤادي حبهم ..
هم على بالي أكيد لو عن عيوني بعيد..
والله هذا الكون كله ما يساوي شوقهم ..
أكتب بدمي لهم هالرساله بأسمهم ..
حتى لو ماجا جواب ..يكفي توصل عندهم ..


6

ألا يا وجدي وجد من فارق الخلان..
تنحت به الأقدار عن دار مضنونه..
على شوف خل شوفته تشفي المرضان ..
حداني زماني والبعد صار من دونه ..
حياتي بدونه مثل بيت بلا سكان ..
كساه الغبار وعشعش الطير بركونه ..


7

وين أودي شوق قلبي والوله..؟
لو غديت بعيد عني ما أسمعك ..
تملك أحساسي وفكري تشغله ..
ترحل طيوفك وفكري يجمعك ..
هاك قلبي هاك ..ليتك تقبله ..
خذ سنين العمر أو خذني معك ..!
أنت تالي الحب عندي وأوله ..
من يقول أني نسيتك .. يخدعـــــك ..!


8

ليتني حبر بيدينك أقلب أفكاري حروف ..
اكتب الي قد كتمته وما أبي غيرك يراه ...
ليتني ظل بنهارك.. ليتني بليلك طيوف..
اسهر الليل بخيالك واسمعك لا قلت ..آه
ليتني اعيش جنبك واروي القلب الشغوف ..

9


لو أكتب إحساسي بالأشعار وأبديه ..
فيك المشاعر كيف بس أختصرهـــا ؟؟
قدرك كبير ويعجز الشعر يوفيه ..
كل القصايد فيك ينضب بحرهــا ..
أرفع يديني وأسأل الله وأرجيه ..
ينجيك من شر الحياة وكدرهــــا ..

10


مدري القصايد فيك وش ممكن تكون ..؟
لاصرت صفحة مالها بالغلا طي ..؟
ما بيك تسأل كيف أنا أغليك وشلون..؟
الحب كله فيك أنا أشوفه شوي ..
يكفي أشوفك كل شيء بها الكون ..
وأشوف الكون دونك ولا شيء ..!

12


في العين لك دمعه حزينه من البوح ..
ومنديلها المبلول يرثي زمانه ..
ياللي غلاتك عندي أغلى من الروح ..
وفي القلب لك عندي مقر ومكانه ..
أبيك تسأل نفسك اليوم وتروح ..
منهو إلي إلا من غبت .. بأحيا عشانه ..؟

13

صورتك في عيني وفي القلب طاريك ..
تعال وشوف بدنيتي وش مكانك ؟
إن جيت كل دقات قلبي تحييك ..
وإن رحت يكفيني بقايا حنانك ..
أعاهدك ما يوم ممكن أخليك..
وما عاش من ياخذ بقلبي مكانــــك ..


14

الورد من له ؟؟
أكيد الورد لك يا عابر أسوار قلبي ومستحله ..
أنت الوحيد اللي ابد قلبي ما يمله ..
عمرك شفت أحد من زود حبه تحب الناس ظله ..؟
الورد من له ؟؟
بعد هذا سؤال محد يحلــه ..؟!
إذا الورد مو لك أجل من له ..؟

15


وش تقول بشخص مثلي مات فيك !
حبك لحد الجنون وما أكتفى !
لو نسى عمره وروحه مانسيك ..!
دام حبك نبع صافي للوفا ..
لو تكون بآخر العالم يبيك !
دام شوفك فيه للروح الشفا !
كم تمنى في عيونه يحتويك ..!
لجل يسري في حناياه الدفا!


16

تعرف وش العذاب على أصوله؟

العذاب انك تحب
أنسان
مايعرف غلاتك؟؟
العذاب انك تحب
أنسان
يتجاهل حدودك!!
العذاب انك تعذب
كل قلب
يشوف قلبك!
العذاب تعيش
بعالمك
من دون حب!!
العذاب يموت
قلبك
ولا احد
يعرف بموته..!

17


تكــرم البسمــه اللـي منــك تكفينــي ..
كيف انــاديــك عمـــري .. والعمــر فـانــي ..
أنـت تبخـل بك يســاري عــن يمينـــي ..
انـت غيــر الجميــع ولك غـلا ثـانــي ..
قلت ابذكـرك .. وأثـرك سـاكن فينـــي ..
انت ساكـن بعينـي .. و عينــي ما تعــدانــي ..

18

ياليتـــك
يالهنــاء بيــدي
و أطــوق صاحبــي بأفــراح
وأخلــي
هالعمــر أحلــى
على قلبــه وأحلامـــه
أبيــه يكـــون مستانــس
و بالــه دايــم مرتـــاح
((من قلبــي))
أبــي لـه الخيــر
و تسلــم كل ايــامـه

19

يا صاحبي افهـم تراني بخليك
ابترك كلك وابقى لحالي
روح انت في دربك عسى الله يهنيك
وانا على دربي ابلحق امثالي
ما فهمت القصد و تراني متحديك
فهمك لقصدي هو المحالي
اقصد بقولي
(تراني بخليك)

هــذا بعــد موتـي و بعـد ارتحالـي

20

الف هـلا يا شــوق والله يحييك ..
عقب البطـا و عقب الليـالي العنيده ..
لا تحسب اني عقب ما غبت ناسيـك ..
تبغـى الصـراحـه
والله ان لك فقيــده ..
اطلــب عيــونــي يا منـــى الروح وأعطيــك ..
والله يقدرنــي على ما تريــده ..

21


{{ حضـرة غناتــي .. صاحـب الجــود }}

{{ المحتــرم .. من نسـل الأكــرامــي }}

منـــي التحيــه بغيــر معـــدود

لك واشتياقــي و الهيامــي

ممــــزوجـه بفـل و دهـن عــود

و معطــره بأحلـى سـلامــي


22


أرد المــوج و البحــر مجنــون

و عجــزت أطفــي النــار و الجمـر غابـــه

رجيـــت بعض الصبــر و العــزم مدفــون ..

بأرض المصيــر اللـي لحفنـي ترابــه ..

لو في يدينـــي شـي ما عشــت ..

من دون

غـــــــــــــــالي

ما رحمنــــي غيابـــه ..


23

حـــاولت أصــد القلــب عن جيـب طاريـــك

قـال و غـلاتــه ما اقــدر اتبــع وصـاتــك

شفـــت يا حبـــي .. وش كثــر هالقلــب يغليــك ..؟

و شفـت وش كثــر يهــوى سمــــــوك و ذاتــك

هالقلــب دايــم لا حكـــى يفتخــــر فيـــك

و اذا حلف ما يحلف الا

بغــــلاتــــك



24

على البـال

حتــى ولـو قـل الســـؤال

مقصريـن

بس ترى البـال وافــي

ما ينشغـل عنــك ولو كله أشغــال

ما تغيــب

عنــه ولو طـال التجافــي

نعطـــي الوفــا للـي جــزا الحـب بأهمـــال

وشلــون باللي يحبنــا

...(( حــب صـــــافـي ))...



25

انت الوفـــى يوم الوفــا من سجايـاك
وانت الغـلا يوم الغـلا فيــك مجنون
وانت العزيز اللي على العـز مربـاك
وانت القصيـد اللي على القاف موزون
يحــلا الكـلام ليا طلـع من شفايــاك
و يصيــر له .. روح و يديـن و عيـون

26

انا
أبعــد
و أتـاخــر
و لكنـــي ابــد ما انســى
ولا اجفــى

ظروف احيــان تشغلنــي و تبعدنــي عن احبـابي
بس بصـادق احسـاسي

امــد الكف و اسأل من المـــولى
يزيــد ايامهــم فرحــه و صحــه
و تصبـح بالسعـد جزلـى


27

«‏«أهــديــك»»
<..; روح ;..>

" مابها كذب وخداع "


«‏«عــلـمــتـهــا»»
' بالغلا معنى الطهاره '



«‏«عــلـمــتـهــا»»
; إن الغلا مايوم ينباع ;



وأن الحياه بدون حسك:

<.«‏« خــسـاره »».>

28

ابسألك يمكن انا القى جواب!
هو لي متى القى نهايه لعلتي؟
و لي متى انسى همومي والعذاب؟
ومتى على الله استريح في دنيتي؟


29


ياقصايد عمري اللي تكتبيني
كل يوم حرف من نغمة هواك
إرحميني بالهوى وإلا اتركيني
لاتخليني معلق في سماك
كل ماخذيت عمرمني عطنيي
لحظة من ساعة داخل في حماك
الحياة أشوفها والموت فيني
واا عذاب اللي بغاك وما لقاك


30

ياليال الــــــود ودي له رساله..

لا قــــــراها يعرف أني مانسيته...
عـــــلميه أن الغلا فاحت دلاله..

فوق جمر الشـوق يومن أحتريته...
مانسيته لـــــو طراله ما طراله..

ساكن بقصاالحشاوالقلب بيته...

31

الرسايل عاده قديمه
بعضها كلام
وبعضها على شكل قصيده
مضمونها يقول إنك أغلى من عمري
بس لوسألت عمرك دقيقه
من المخلص في حديثه؟
تلقاهامره قليله
لكن تأكدي أي رساله مني لك تراها
من"مشاااعر وأحاااسيس عميقه"

32

إن سريتي يارساله
يم هذاك الحبيب
‏
وضحي له أنه الغالي ولانسوى بلاه
بلغيه أن المحبة دون شوفه ماتطيب



وإن لذة الاشواق
في الجلسة معاه


حنيني حنين الي تداوج على مسقاه

حشرها الضمى والعد جفت مشاريبه
على صاحبن مالي بغيره ولا بسواه

هوى خاطري ومناي وسواه مالي به
وجــــــودي على شوفه ووجدي على لاماه

وجود الغريب لي تقاشر معازيبه


33


"أبشر" بشخص إذاطلبته جاك..
وإذا أتكيت صارعصا يمناك..
وافي ومخلص معاك..
ماهو من يطعن في قفاك..
ولاهمه هذا وذاك..
في ضيقته ترجاك..
وفي سعادته تمناك.
"أبشر" لوتبي روحي والله فداك

34

تموت الدمعه في عيني وقلبي يرتجي الرحمه..

أشوف أن الأمل ضايع وأشوف الحزن وياي..
وأشوف الكون في عيني عذاب عانقه عتمه..

لاهانت علي نفسي ولاأبين لحد شكواي..

مثل طفل إذا يبكي تقول شفاه يايمه !!؟

35

وش هالكون بعدك
علمني وش يكون؟؟
وش هي الدنيا بدونك غير صمت وسكون!
الصبح شاحب!
والليل تملاه الظنون!
والزوايا موحشه!(فاقده قلب حنون)
عادي كل هالناس عندي يروحون او يجون . .
الا انت غير الناس روحتك ماتهون

36

أنتظرتك..ليه طولت الغياب
وأنت لامن غبت لحظات أفقدك
سيدالاحساس حسك كيف غاب
كيف عن دافي شعوري يبعدك
تدري ان الصبرفي بعدك عذاب
وتدري أنك في عيوني وأفقدك
وادري انك ماتأخرت بأسباب
بس انااللي دايم اسبق موعدك